馬浪: 11月24日馬報

1	星運皇爵	飛得。嬴開田草1400，而且佢嬴嗰時都跑啱晒，但之後縮程係大忌嚟
	雙天寳馬	仲有好多野可以改善，主要都係唔受騎，唔中意競賽
	勝神威	減太多分，但呢鋪疑似係練氣，為縮程做準備
	連捷	單邊眼罩應該幫到佢會無咁搶口，控制到隻馬又啱形勢，自然有權殺晒
	真好運	蠻力馬，佢要維持跑得順暢，否則一跑得唔順就自然斷
	智勝龍	肯定揀。越嚟越柔，好唔適合跑谷草，所以上仗大敗好正常。呢次轉返田草1400，執返一檔，有利
	烈火駿馬	之前隻腳傷咗，唔知會唔會有影響。試閘跑跑下唔順就急劇後退
	威力勇驥	有可能變身。除咗個頭罩，因為佢應該好唔中意個配備
	廚師發辦	跑1000-1200又好似放唔起，跑1400又唔到咁
	進優自在	操練十分辣。始終隻馬都8歲，如果有心博馬，應該嘗試夾硬搶前段，有權放到
	紅鬃烈馬	呢場範圍太多，揀唔到。太飄忽，都係靠擺前走，有時會到
	欣感	1400都應該唔啱，當係練下氣，可能考慮部署再增程嘅
	俏郎中	最近嗰3場都好似亂改配備，夾硬減分咁。加個眼罩應該都係想刺激佢博殺
	陽光燦爛	佢比我感覺係，谷草急灣好過去跑田草
	意見	「連捷」「智勝龍」「威力勇驥」「俏朗中」，我覺得都會佔先啲啲
場次	馬名	意見
2	中環精英	幾fit都唔建議買。狀態十分好，但負135磅影響好大，而且質素有限
	鴻圖新星	狀態唔差，但評分真係好大問題
	嘉應駿馬	應該最少有3甲。試閘當然超班咁款，但以上季嚟做準則，係咪真係太超就好有疑問
	美麗老撾	新馬嚟講真係唔敢睇少，試閘越嚟越有力，競賽意欲高
	綠水青山	新馬，試閘都唔似跑咁短
	金滙千帥	新馬，冷腳要拖。感覺有啲蠻力，又易控制，未必會比2檔影響太大
	宇上龍騰	新馬，加上眼罩，試閘係貫注咗少少，但應該都未夠跑
	千杯	新馬，完全未上力
	東昇鉞	冷腳可以試下，我覺得佢咁操法最多咪博呢鋪。博命咁操，加個眼罩上去
	洛河	呢隻馬加眼罩，我唔太睇好
	超強六十	鬥心係幾高，腳法都算成熟，都係算範圍之內
	東方寶寶	感覺似想減分，落5班跑泥地先去馬。經常轉跑法，轉到佢都唔習慣咁
	龍騰飛翔	老退太多，冷拖都唔想拖
	花好月盈	106磅係好大優勢嚟，而家頂form同你地跑，就算無分係手，你地都未必讓到佢咁多磅。勁fit，唔驚快步速
	意見	「嘉應駿馬」「花好月盈」比較秤先啲啲。其他其實都差唔多，都有一堆缺點
場次	馬名	意見
3	祥龍駒	特登考個眼罩，有啲不明所以，可能嘗試放頭，但外檔又重磅真係好難跑
	帥帥友福	好惡。雖然練馬師係唔太可信，但都應該要揀。加個眼罩，可以嘗試擺前少少
	包裝福星	走規無咩問題，加個羊毛面罩唔知係咪好事。執到11檔，夾硬擺前又驚頂，縮後又真係追唔切
	不同世界	可以冷拖。走規唔太好，但執個2檔有權近返少少
	東方福寶	新馬，應該未夠跑住
	藍爵爺	冷可拖。新馬，有蠻力
	康樂高球	新馬，跑下先，出腳麻麻
	勁沙塵	新馬，加個眼罩，貫注力都係好麻麻
	西坎德爾	最多冷拖。新馬，質素係有，但反應比較遲鈍
	天賜喜	可以冷拖。新馬，試閘中規中矩，執到較好檔位
	好精神	估計都偏熱，可拖可不拖。不過不失，呢場對手係比較強少少
	漣心星	太力短，田草長直路未必啱佢跑
	意見	比較中意「帥帥友福」「不同世界」
場次	馬名	意見
4	郎善好施	評分都好盡，純粹跑個fit字，似係3344嗰啲
	同喜	好難揀。泥閘唔錯嘅，但重磅，欠貫注
	有派頭	要揀。泥地性能係幾好，勁fit，但感覺個分都偏高，認為搵見習生都好過布文
	歐洲傳奇	難揀。自從有腳患之後都好似唔太掂，就算有啲級數都唔要
	越野大師	執到黃金1檔，比較比較均速少少
	機械騎士	冷拖熱飛。上仗睇落嬴得幾輕鬆，但對手真係比較弱。呢場睇落泥地嘅邊線馬多
	皇龍飛將	潘頓有權將呢啲馬發揮到，但我就唔會揀。試閘太硬啦，一啲都唔夠柔，所以泥閘貌似好好，形態上我都好麻麻
	良駒好友	嬴嗰場真係咁啱走得順，放得甩。但呢場唔用見習生，外檔嘥力殺埋嚟，好難走得甩
	日日獎	評分已盡，轉配備都唔係太好事。9檔要搵遮擋，9成都要縮後，好難追得好多馬
	太陽昇	冷咪拖。比較均速，純粹覺得輕磅可能幫到佢少少嘅
	一石二鳥	轉眼罩都未必太有用
	醒目勇駒	都10歲，4班就好明顯唔會夠跑
	意見	好多馬都有缺點，越計越覺得差唔多
場次	馬名	意見
6	艾莉奧	雖然上季嬴過1600，但佢一直都唔太到1600，仲有佢呢2場前速無晒。雖然晨操無咩特別變化，真係難揀
	十二神將	雖然潘頓上仗跑法受爭議，但我覺得隻馬都無分係手啦，仲要外檔，勁難追
	昭易搵	增程係合理嘅，純粹考慮評分同下面對手強唔強。隻馬太大步，協調麻麻，呢個檔位守好位爆一段係唔錯選擇
	一定掂	增程執外檔就麻煩啲，因為佢嘅變速力唔係好頂尖，如果靠直路追一定追唔切
	鐵三角	應該比上一手馬房渣光，短期內好似都唔買得過
	連連歡呼	就算幾忠心都好難揀。博太多，成日轉路程，又轉配備，體力感明顯下降
	江南勇士	佢初出到而家一樣都好fit，只可以話佢個評分盡咗，或者有小毛病馬會無公佈出嚟
	精算特殊	觀望。氣管有血之後表現好差
	金駿星	冷要拖。增程1600有啲睇頭，應該會到。試閘有啲亂嚟
	風雲	質新馬，學習中
	美麗多盈	上季用得太盡，應該一段時間回調
	神駒馬靈	綁咗舌頭等佢再集中少少，但我認為應該幫助唔大，仲有佢fit極都係近，換潘頓都應該只係近
	樂威煌	不過不失，有少少邊線機會，冷咪拖
	駿彩飛馳	未上力
	意見	亂局，形勢都好難估，好多馬都唔係正宗1600馬，所以好睇形勢