馬浪: 12月7日馬報

1	衝上雲霄	上場明顯無跑過既馬,隻馬晨操不嬲都好暢順,快慢由人既馬,今場唔好再塞基本上可以補中
	手錶之星	晨操保持到,係個評分到左頂,對手都似乎更加入局既情況,我覺得賠率唔太值博,可以嘗試飛起佢
	時間寶	睇操練就好惡既,又大閘又細閘又拍跳做足,個眼罩係幫到佢既,主要係11檔留放都要做得好先得,始終隻馬太容易搶口
	勁先生	一直唔明點解要增程同埋去跑田草,如果跑泥地應該可以再嬴,咁跑田草1200的確好過1400既,仲有體力感明顯下降,睇潘頓發揮啦,算邊線既
	神馳	我就認為呢隻馬無咩大進步,出腳睇落都唔係太整齊,仲有佢好容易搶口,9檔一定係縮住係後面沖,應該幾難追
	火焰閃爍	新馬,睇落十分懶散,仲要汁個大外檔,再觀望下先
	幸運福星	貫住力好差既馬,仲要隻馬都好唔規矩,黃寶妮都騎唔起佢
	大千絕塵	不過不失,隻馬上仗明顯都無咩跑過咁,不過都幾難控制佢,佢既跑法根本自己晒自己力,未夠放鬆
	真強人	新馬,睇落有少少怕馬群,晨操佢出腳係幾自然,幾暢順,但試閘佢推極都會縮步,只可以飛出去大外檔追
	豐辰	貫住力好差,加個眼罩我都唔覺得會有特別進步,仲要係外檔,勁難跑
	開心樂園	上仗形勢幾好都跑個第二既,縮程汁一檔,都係跟前少少爆一段架啦,算一隻機會馬咁
	仁仁有餘	冷腳要揀既,晨操一直都好fit,係跑左2場都無遮擋,可以比少少藉口既,呢場汁2檔順走應該會好好多
	旺旺快駒	晨操初起咁，試閘表現還過得去咁，除眼罩試下咁，外檔應該都係縮後未必追得切
	瑤瑤日上	加眼罩試下可唔可以刺激下佢,本身隻馬都未太上力
場次	馬名	意見
2	三軍勇將	晨操係幾FIT,1300馬,跑1400少少嫌長,仲要咁重磅,真係要跑到好尺寸先有機會
	安泰	晨操普普通通,隻馬成日都陰d陰d加速,唔可以太睇低佢,但14檔縮後追,真係要靠形勢好先追得到
	保羅傳奇	擺前走啦,大步走得順佢咪係一隻機會馬,係驚外檔迫左出去3疊望空就大獲d
	幻影旋風	呢個馬房d馬晨操好似好多隻都軟腳蟹咁
	快活英雄	潘頓唔跑呢隻跑另外一隻都幾得意既,始終呢隻狀態好fit,係用腳方面佢仲係出死一隻腳,5檔跟前返少少,爆一段,其實都好大威力
	馬鳳凰	增程合理既,但對呢d開步咁強既馬,1檔有機會影響佢出腳,其實上場個勢都好超班咁,實會熱硬既,但都無得飛
	包裝福星	上場面罩唔得咪除返,增程如果步速慢都還好,步速快佢又擺左係前面就未必到
	鼓浪高升	增程1400腳法上係合理既,但外檔係咪真係咁勁追得切就另一個問題
	勁騷	跑岩晒表現叫平穩,等佢慢慢進步,減下分先
	萬事掂	未夠水準
	天外迎天	唔似夠氣增程既馬,除非慢步速鬥爆呢隻馬就最惡lor,形勢既野都好難講既
	騰龍四海	對手睇落就強過好多,只係純粹覺得跑法主動,檔位又好,順住佢步伐跑,就應該係前面返黎
	勝得福	對手太強,無得揀
	凱旋幸運	上仗一跑得亂左就唔識競賽,次次要跑到好岩先沖既馬,冷咪拖lor,咁尺寸既馬都唔值得熱賭