馬浪: 12月26日馬報

場次	馬名	意見
1	伶俐驫駒	第一次落5班，仲要執到個1檔一定博架架，係要兼顧範圍
	三代同心	上場潘頓跑到好似賽車咁都嬴唔到，博太多啦，執12檔基本上無咩機會
	有心意	其實隻馬上仗試好晒都係近，執9檔仲難跑左，基本上都唔會揀
	龍騰飛翔	其實佢應該有啲病患，成日都好飄忽，仲有應該都唔太受谷，一谷表現好左場之後就無晒影
	超勁火力	通常嬴完去跑其他路程，之後又跑返嬴馬路程，我都唔太中意，隻馬嘅節奏會好受影響，而且佢嬴果場都係跑啱晒先嬴
	木火同明	睇隻馬出閘有冇馬頂，立心咬前唔好太蝕佢都應該前面返嚟啦
	夢幻駿駒	一定係範圍嚟，呢啲馬落到5班就好惡，上場根本都無跑過，呢場執3檔用埋見習生減下磅，正常發揮肯定3甲
	喜駿之星	一個字放，好多對手都各有不利條件嘅時候，佢係有權走甩架，8歲都無咩所謂，最緊要放到
	電路十號	執啲配備再增程，其實都減到呢個分，都係要開始拖返注，隻馬始終都無咩點用過咁制
	全神貫注	唔識評論，一直覺得出腳無咩力，次次都輸好多馬位咁，係得嬴果次解釋唔到點解嬴
	神速馬車	狀態係keep到，始終個分越減越有利，點都係要拖住
	電子精彩	一直都唔敢惡操佢，純粹輕磅，好檔位，係要拖住架啦
場次	馬名	意見
2	精益大師	佢嘅操練開始慢左落嚟，其實都已經用盡左佢呢段最好時候，就算對手唔太強，都唔建議再追
	凝聚美麗	未見佳處
	皇帝英明	其實而家操到隻馬嘅形勢明顯同以前唔同，真係應該1000比1200更好，所以都要揀，對手都麻麻
	比特星	純粹睇練馬師心意，如果立心去就擺前走，想減分就擺後亂跑，冷一定要拖
	嘉應駿馬	叻就肯定唔叻，只係而家年輕力壯純跑蠻力，放到幾多得幾多，熱門肯定唔值
	輕鬆大少	新馬，睇落學習中，觀望比較好
	勁者	新馬，幾有潛力，但試閘隻馬換腳過程騰空時間太長，係有個2檔可能幾好跑
	中華威威	評分都好盡，博都博左幾鋪，應該向下望
	勝萬金	狀態極好，但能力有限，但勝左主動可以靠fit走甩好多馬，但如果比馬燒肯定頂唔住
	大番薯	貫住力不足
	智開心	未見佳處
	超強六十	外檔難跑，縮後嚟跑，如果利追，有機會有邊線機會，始終對手唔太穩定
場次	馬名	意見
3	自然力量	上季谷得太盡，基本上都博得7788
	加州偟者	佢腳法似增程比較合理嘅馬，但氣量高機率唔到，應該都係投石問路，唔得咪順便減分，練氣
	黑桃火箭	評分就明顯盡，但增程係可以接受，始終3班2200無咩好馬係到，嬴開絕對有機會再博多獲
	有誰共鳴	我認為試閘睇應該未適應水土嘅問題比較大嘅，以佢外地跑嘅成績無可能咁水嘅
	優才	一隻超級均速嘅馬，佢初出2場都明顯試緊隻馬性能，2200應該係勉強可以到嘅，呢場應該可以擺前少少走甩對手，感覺換潘頓都係博殺姐
	手到再來	明顯都向下望，增程都唔太合理，我認為無咩可能到
	志敏將星	4歲新馬一嚟就跑2200，基本上係靠估，馬主買返嚟肯定想博大賽，但試閘普通
	一支箭	評分略盡，如果手到再來唔放得太快，佢有機會賺形勢走甩，但機會比較低
	精算謀略	帶個頭罩都無咩幫忙，增程都係似減分，順便搵下出路咁
	逐步贏	不過不失啦，都交代完，評分略盡，勝左仲好fit，最多咪拖
場次	馬名	意見
4	高份數	試閘明顯無上季黃金期咁好，仲要最近氣管有血又分盡，執埋大外檔都唔洗揀
	砂漿金剛	評分略盡，純粹如果慢步速佢會係前面返嚟，快嘅話就實斷
	馬主雄風	狀態普通，對手唔強，係有少少邊線機會
	越駿知己	其實上仗都好明顯無跑過咁制，呢次執到1檔又有評分優勢，點都要揀
	北地烈馬	肯定就唔叻嘅馬，貫住力麻麻，上仗潘頓夾硬騎隻馬用蠻力夾硬頂到第三，照計太熱都係飛
	人和家盛	評分略盡，都8歲老馬，季初靠對手狀態未起交代左，呢個分都好難揀上手
	大利好運	力短馬，要守住好位爆一段就特佳，可以冷拖
	競駿天下	高峰已過，又返嚟跑谷草，又增程又縮程去有表現嘅路力，係驚跑左1400之後慢腳左
	電訊驕陽	上次水對水，辛苦拎個第二，睇落個勢好差，唔太信佢再有好表現
	必先生	綁舌頭應該幫到佢少少，但始終好似未必到1200氣路程
	銳高	太多身體問題，搞得掂再算
	妙玲瓏	不過不失，應該4班都難嬴，有權減落5班先去馬
場次	馬名	意見
5	赤馬雄風	狀態平平，所以先要試閘迫返起佢，跑返路有專長嘅路程，有賠率咪拖
	爆笑	正路就好難打疊，上場賺晒形勢嬴個勢頭太差，而且晨操開始體力感差左，執到1檔其實會賺嘅，仲要跑法機動，十分雞肋
	帥炸	其實狀態都慢慢谷起左，執到2檔由佢順走，睇下佢1650頂唔頂到，而家係驚氣量未到，冷可以拖
	都靈勇士	評分無咩優勢，此馬好中意超慢步速同你走600米，都有機會故技重施嘅
	銀皇興標	呼級有問題嘅馬，盡量唔好揀
	經典時代	加個眼罩，希望佢更貫住啲，其實隻馬而家應該最fit嘅時候，執到好檔應該博到盡，係質素應該唔係太高
	摩界	未見佳處
	越駿開心	腳法有待增強
	樂加福	出腳越嚟越慢，唯有增程，冷腳要拖，唯有期望氣量到咁解
	極速滿貫	4班疑似唔夠班，但而家勝左輕磅，對手唔太叻，叫做有邊線機會咁
	傳承者	評分有優勢，上仗加左眼罩都未試實力，有權呢場突襲
	威威父子	落5班比較好跑
場次	馬名	意見
6	天行健	落到4班點都有一戰嘅能力，睇下形勢就唔就佢
	仁仁之寶	執外檔都係縮後跑爆一段架啦，試閘都幾密腳，係睇佢追唔追得切姐
	觀天下	隻馬縮程跑1200應該最啱，襯佢當勇嘅時候，仲要執到1檔，應該坐亞望冠架啦，不過潘頓跑實無肉食
	醒目先駒	上仗隻馬走晒光咁，最近晨操，試閘出腳更勝之前，有權一爭，係驚被動
	財駿	呢組好似好多馬揀，都未必要揀隻外檔老退嘅被動馬
	步風雷	新馬賽表現還好啦，但對住舊馬應該都難鬥
	小皇爺	呢隻馬狀態都嚟得好快，但質素唔係咁高，難鬥
	幸運傳承	隻馬仲係好質新，好多壞習慣，上仗已經騎得幾好，都會爆一段仔咁，無咩特別
	鑽石寶寶	可能無馬放，如果佢單騎領放，都有權賺下形勢走甩唔少馬嘅
	五福星	隻馬唔叻，上仗對手已經好水都係得個近嘅，麻麻地
	小刺蛋	老退唔少，對手太強，唔揀住
	光輝所願	4班明顯唔夠跑，等落班再諗